Poem

Adblock

Poem

Adblock

ယောက်ျားနှင့် မိန်းမ

လောကကြီး၏ လိုအပ်မှုကြောင့် ဘုရားသခင်သည် ယောက်ျားကို ဖန်ဆင်းသည်။
ယောက်ျား၏ လိုအပ်မှုကြောင့် ဘုရားသခင်သည် မိန်းမကို ဖန်ဆင်းသည်။

ယောက်ျားလေးက မိန်းကလေးကို ချစ်မိလျှင် ကဗျာများရေးဖွဲ့ တတ်၏။
မိန်းကလေးက ယောက်ျားလေးကို ချစ်မိလျှင် စိတ်ကူးယဉ် အိပ်မက်မက်တတ်၏။

မိန်းကလေး၏ အကောင်းဆုံး ကိုယ်ပိုင် အရည်အချင်းမှာ ချွဲနွဲ့ခြင်းဖြစ်ပြီး
ယောက်ျားလေး၏ အရည်အချင်းမှာ လိမ်ညာခြင်း ဖြစ်သည်။

မိန်းကလေးအတွက် ကံကောင်းခြင်းမှာ "သူ ငါ့ကို တကယ်ချစ်ရှာသည်"ဟု ယုံကြည်ခြင်းဖြစ်ပြီး ယောက်ျားလေးအတွက် ကံကောင်းခြင်းမှာ "သူ့ကို ချစ်ရတာ ထိုက်တန်သည်" ဟု ထင်မြင်ခြင်း ဖြစ်သည်။

မိန်းကလေးတွင် ပြေပြစ်သော ရုပ်ရည်ရှိသင့်ပြီး ယောက်ျားလေးတွင် ပြည့်စုံသော ဓနဥစ္စာရှိသင့်သည်။

မိန်းကလေးက ယောက်ျားလေးကို နမ်းခြင်းသည် စိတ်ကြည်နူးမှုဖြစ်ပြီး
ယောက်ျားလေးက မိန်းကလေးကို နမ်းခြင်းသည် တဏှာ ဖြစ်သည်။

မိန်းကလေးများ ထွက်ပေါက်ရှာလျှင် အိမ်ထောင် ပြုတတ်ကြပြီး
ယောက်ျားလေးများ ထွက်ပေါက်ရှာလျှင် ကွာရှင်းတတ်ကြသည်။

ပါးနပ်ထက်မြက်သော မိန်းကလေးများက သူ့ချစ်ကိုရှာပြီး အိမ်ထောင်ပြုတတ်ကြ၏။
တုံးအသော မိန်းကလေးများက ကိုယ့်ချစ်ကိုရှာပြီး အိမ်ထောင် ပြုတတ်ကြသည်။

ရည်းစားဖြစ်ချိန်တွင် ယောက်ျားလေးများသည် မိန်းကလေးများကို ကြင်နာတတ်ပြီး အိမ်ထောင်ပြုပြီးချိန်တွင် ရက်စက်တတ်ကြသည်။

မိန်းမငယ်များသည် မျက်လုံးဖြင့် ယောက်ျားများကို ညို့စား တတ်ပြီး မိန်းမကြီးများသည် မျက်ရည်များဖြင့် လှည့်စားတတ်သည်။

မိန်းကလေးများအတွက် ကျမ်းကျိန်ဆိုသော ယောက်ျားသည် ရယ်စရာကောင်း၍ ဥစ္စာ ပစ္စည်းအရှာ တော်သော ယောက်ျားသည် ချစ်စရာကောင်းသည်။

ယောက်ျားလေးက ကွာရှင်းဖို့ စကားကမ်းလှမ်းခြင်းသည် မိန်းမကို စိတ်ကုန်လာခြင်းဖြစ်ပြီး မိန်းကလေးက ကွာရှင်းဖို့ စကား ကမ်းလှမ်းခြင်းသည် ယောက်ျားက သူ့ကိုမချစ်မှန်း သိလာခြင်းဖြစ်သည်။

မိန်းကလေးများ ယောက်ျားမယူဘဲ အပျိုကြီးအဖြစ် နေလျှင် နာတာရှည် ရှိသည်ဟု ထင်ကြပြီး ယောက်ျားလေးများ မိန်းမ မယူဘဲ လူပျိုကြီး အဖြစ်နေလျှင် စီးပွားလုပ်ငန်း ဖြင့် မအားလပ်ဟု ထင်ကြသည်။ (တကယ်တမ်း ဆိုရလျှင်.....မိန်းကလေးများ အပျိုကြီး ဖြစ်နေခြင်းသည် ယောက်ျားကောင်းများ မရှိသောကြောင့်ဖြစ်ပြီး ယောက်ျားလေးများ လူပျိုကြီး ဖြစ်နေခြင်းသည် မိန်းကလေးများက ပြန်မချစ်သောကြောင့်ဖြစ်သည်။ )

မိန်းကလေးများသည် လောင်းကြေးကို အချစ်တွင် ပုံအပ်တတ်ကြပြီး ယောက်ျားလေးများသည် လောင်းကြေးကို လက်ထပ်ခြင်းတွင် ပုံအပ်တတ်ကြသည်။

မိန်းကလေးများသည် မပြေလည်သော အိမ်ထောင်ရေးကို ခံနိုင်ရည်ရှိသော်လည်း မပြေလည်သော အချစ်ရေးတွင် ခံနိုင်ရည် မရှိကြ။

ယောက်ျားလေးများသည် မပြေလည်သော အချစ်ရေးကို ခံနိုင်ရည် ရှိသော်လည်း မပြေလည်သော အိမ်ထောင်ရေးကို ကိုယ်လွတ်ရုန်းချင်ကြသည်။

မိန်းကလေးများ လွမ်းဆွေးအားငယ်နေလျှင် ၀မ်းနည်းစရာ အချစ်ဇာတ်လမ်း ရှိခဲ့ဖူးသောကြောင့်ဖြစ်ပြီး ယောက်ျားလေးများ စိတ်ပျက် စိတ်ညစ်နေလျှင် အဆင်မပြေသော အိမ်ထောင်ရေးကြောင့်ဖြစ်သည်။

မိန်းကလေးများ နောက်အိမ်ထောင် ပြုခြင်းသည် မှားယွင်းမှုကို ရှာခြင်းဖြစ်ပြီး
ယောကျာ်းလေးများ နောက်အိမ်ထောင်ပြုခြင်းသည် ကံစမ်းခြင်းသာ ဖြစ်သည်။

မိန်းကလေးများက သူသည် ထိုယောက်ျားလေး၏ နောက်ဆုံးတယောက်အဖြင့် မျှော်လင့်တတ်ကြပြီး ယောက်ျားလေးများက သူသည် ထိုမိန်းကလေး၏ ပထမဆုံးတစ်ယောက်အဖြင့် မျှော်လင့်တတ်ကြသည်။

အဟဲ့....တခါတလေ ပေါ့ပေါ့ ပါးပါးပေါ့။အမှန်တွေပဲလို့ မဆိုလိုပါဘူး။ တချို့လဲ မှန်ပါတယ်။ တချို့က မြန်မာလူမျိုးမှာ မရှိလောက်ပါဘူး။ ကျေးဇူးတင်ပါတယ်....:)

မိန်းမများကို အန်စေသော ယောက်ျား

၁. ကိုယ့်အောင်မြင်မှုကို ပါးစပ်ဖျားက မချတတ်သော ယောက်ျား
၂. ခေါင်းလိမ်းဆီကို ရွဲနစ်နေအောင် လိမ်းတတ်သော ယောက်ျား
၃. ဆီများရွဲနစ်နေသော ဆံပင်တွင် ဘောက်များကပ်နေသော ယောက်ျား
၎. ရေမချိုးဘဲ အနံ့ပြင်းသော ယောက်ျား
၅. နှာခေါင်းထဲက အမွေးများ နှာခေါင်းပေါက်အပြင်ထိ ရှည်ထွက်နေသော ယောက်ျား
၆. လေကြီးပြီး ကြွားဝါတတ်သော ယောက်ျား
၇. မိန်းကလေးများကြားတွင် မျက်နှာပန်းလှသည်ဟု ထင်နေသော ယောက်ျား
၈. အရာရာတွင် တွန့်တိုတတ်ပြီး အထူးသဖြင့် မိန်းကလေးနှင့်အပြိုင် တွန့်တိုတတ်သော ယောက်ျား
၉. အာပုပ်စော်နံသော ယောက်ျား
၁၀. ငွေကြေးအားကိုးပြီး မြက်နုကြိုက်သော နွားအို...အဲလေ..ယောက်ျား
၁၁. လက်ရဲ ဇက်ရဲ တဏှာယောက်ျား
၁၂. မိန်းကလေးနှင့် တခါချိန်းတွေ့ပြီး ဟိုလိုလို ဒီလိုလို ထင်အောင် ပြောတတ်သော ယောက်ျား
၁၃. ချက်အောက်ပိုင်း အရာများဖြင့် အမြဲဟာသ လုပ်ပြောတတ်သော ယောက်ျား
၁၄. မိန်းကလေးအထာ ငါနှပ်တယ်ဟု အမြဲပြောတတ်သော ယောက်ျား
၁၅. ကြမ်းတမ်းသော ယောက်ျား။ အထူးသဖြင့် ပါးစပ်ပြောရင် လက်ပါ ပါတတ်သော ယောက်ျား
၁၆. ရုပ်ကိုချစ်တာ မဟုတ်ဘူး.. စိတ်ထားကို ချစ်တာဟု မိန်းကလေးတိုင်းကို ပြောတတ်သော ယောက်ျား
၁၇. အိုင်တွေ့တိုင်း ခြေဆေးတတ်သော ယောက်ျား
၁၈. ဘာမဆို ငါသိတယ် တတ်တယ်ဟု ထင်နေသော ယောက်ျား
၁၉. စကားပြောပြီးနောက် နုတ်ခမ်းဘေးတွင် တံထွေးမြုပ်များ ကပ်ကျန်ခဲ့တတ်သော ယောက်ျား
၂၀. သားသမီးများက တစ်ခုခုမေးလျှင် "နင်တို့အမေကို သွားမေး" ဟု ပြောတတ်သော ယောက်ျား
၂၁. ဆေးလိပ်သောက် ကွမ်းစားပြီး သွားများ မည်းညစ်နေသော ယောက်ျား
၂၂. မိန်းမ၏ စေညွှန်ရာတွင် ကနေရသော ယောက်ျား
၂၃. နိုက်ကလပ် မသွားဖူးဘူးဟု ပြောတတ်သော ယောက်ျား
၂၄. စကားတစ်ခွန်းကို ကွေ့ကောက်လိမ်ပတ်ပြီး သုံးခွန်းဖြစ်အောင် ပြောတတ်သော ယောက်ျား
၂၅. ပိုက်ဆံရှိသော မိန်းကလေးများကိုသာ ရွေးချစ်တတ်သော ယောက်ျား
၂၆. မီးဝါကို ဖြတ်မမောင်းဘဲ ကိုယ့်ကို စည်းကမ်းသေ၀ပ်သူဟု ထင်သော ယောက်ျား
၂၇. မိန်းမဆန်ဆန် ၀တ်စားတတ်သော ယောက်ျား
၂၈. အ၀တ်အစားကို တင်းကျပ်နေအောင် ၀တ်တတ်သော ယောက်ျား
၂၉. ရှိသမျှလက်ချောင်းတွင် ရွေလက်စွပ်များ စွပ်ထားတတ်သော ယောက်ျား
၃၀. အင်္ကျီကြယ်သီး သုံးလုံးအထက်ကို မတပ်ဘဲ ကိုယ့်ကို ဆက်စီလုပ်ချင်သော ယောက်ျား
၃၁. အထက်လူကြီးကို ဖားပြီး အိမ်ပြန်ရောက်လျှင် မိန်းမကို ရန်ရှာတတ်သော ယောက်ျား
၃၂. ချိန်းတွေ့တိုင်း မိန်းကလေးများကို အကုန်အကျခံစေသော ယောက်ျား

ဒါလဲ ဘာမှကို မကျန်ပါလား...ကျွန်မရေးမိ အပြစ်ရှိ၏...အဆဲခံရန် အသင့်ပါ...း) ဆီလျော်အောင် ဘာသာပြန်သည်။

Michael Jackson Dangerous

Funny Kid

ဟာသ ပန်ချီ ကာတွန်းများ

ဟာသပန်ချီ ကာတွန်းများ

သနပ်ခါး ( ကဗျာ )

သနပ်ခါး

သဘာဝရဲ့
အဖိုးမဖြတ်နိုင်တဲ့ ရတနာ
အညာကျေးလက် တပ်မက်ဖွယ်ရာ။

နွေထဲ
သဲမုန်တိုင်းတွေနဲ့ ရိုင်းစိုင်းလှတဲ့ လေထဲ
ပက်ကြားအက် ကုန်းမြေမာခေါင်ခေါင်ထဲ
ချွန်မြဆူးတွေထုတ်လို့ အာခံ
ဘ၀ကို ဒီလိုရှင်သန်တယ်။

အရွယ်ရောက်တော့
အလိုကျ ဖြတ်တောက်ခံကာ
ကြမ်းတမ်းခက်မာ ကျောက်သားပြင်
ဘ၀ကို မှတ်ကျောက်တင် အသွေးခံလို့ …။

အိုမင်းတွန့်ရွ
အမေ့အသားအရေပေါ်မှာဖြစ်ဖြစ်
ပန်းနုရောင်ပြေး
ချစ်သူ့ပါးပြင်ကလေးပေါ်မှာဖြစ်စေ
သူဟာ
ပန်းတွေနဲ့အပြိုင် မွှေးတယ် ။ ။

ဖေဖေသူတို့လိုဝတ်ပါလား ( ဟာသ )

မြန်မာပြည်မှာ မြို့နယ်ပေါင်းစုံကို လှည့်လည်ပြီး တောင်းရမ်းစားသောက်တဲ့ သူတောင်းစား သားအဖနှစ် ယောက်ရှိသတဲ့။ သားဖြစ်သူက ကလေးပီပီ စူးစမ်းချင်စိတ်တွေများပြီး ဖခင်ဖြစ်သူ သူတောင်းစားကြီးကို သူ သိချင်တာတွေ အမေးအမြန်းထူလေ့ရှိသတဲ့။

တခါသားမှာတော့ သားအဖနှစ်ယောက် သစ်ပင်ရိပ်အောက်မှာ နားနေကြရင်း သားဖြစ်သူက သူ့အဖေကို မေး ခွန်းတွေ တရစပ် မေးလေသတဲ့။

“ဖေဖေ၊ သားတို့တွေ့တွေ့နေတဲ့ ဟို ... တိုက်ပုံအင်္ကျီအဖြူ၊ ပုဆိုးအစိမ်းဝတ်ထားတဲ့ သူတွေက ဘယ်သူတွေလဲ ဟင်”
“အဲဒါ ကြံ့ဖွံ့အဖွဲ့ဝင်တွေကွဲ့”
“ဟို ... အင်္ကျီအ၀ါ၊ ထမီအ၀ါဝတ်ထားတဲ့ အမျိုးသမီးတွေကကော ဘယ်သူတွေလဲ ဖေဖေ”
“အဲဒါက အမျိုးသမီးရေးရာ အဖွဲ့ဝင်တွေလို့ ခေါ်တယ်သားရဲ့”
“ဟို ... အင်္ကျီနက်ပြာ၊ ဘောင်းဘီနက်ပြာနဲ့ လူတွေကကော”
“သူတို့က အရန်မီးသတ်အဖွဲ့ဝင်တွေကွဲ့”
“ဟို ... အင်္ကျီအဖြူ၊ ဘောင်းဘီနက်ပြာ၊ ဦးထုပ်အဖြူနဲ့ လူတွေကကော ဘယ်သူတွေလဲ ဖေဖေ”
“လမ်းပြပုလိပ်တွေပေါ့ သားရဲ့”
“အင်္ကျီအစိမ်း၊ ဘောင်းဘီအစိမ်း၊ ဦးထုပ်အစိမ်းနဲ့ လူတွေကတော့ စစ်သားတွေနော် ဖေဖေ၊ ဟုတ်လား”
“ဟုတ်တယ်ကွဲ့”
“အင်္ကျီအညိုရောင်၊ ဘောင်းဘီအညိုရောင်၊ ဦးထုပ်အညိုရောင်နဲ့ လူတွေက ရဲတွေလား ဖေဖေ”
“ဟုတ်တယ်လေ သားရဲ့၊ ဘာဖြစ်လို့ ဒီလောက်တောင် အမေးအမြန်း ထူနေရတာလဲ”

အဲဒီအခါမှာ သားဖြစ်သူ ပြောလိုက်တဲ့စကားကြောင့် အဖေဖြစ်တဲ့ သူတောင်းစားကြီးဟာ အံ့သြမှင်သက်မိသွား သတဲ့။ သားဖြစ်သူ ပြောလိုက်တဲ့ စကားကတော့ …

“ဖေဖေ့ကို ကြည့်ရတာ ပင်ပန်းလို့ပါ ဖေဖေ၊ ဖေဖေလည်း သူတို့လိုဝတ်စုံတွေဝတ်ပြီး တောင်းပါလား၊ အဲဒါဆို ပိုက်ဆံပိုရမှာ၊ သူတို့တွေ ပိုက်ဆံတောင်းရင် လူတွေက အများကြီးထည့်တာ သားတွေ့တယ် ဖေဖေရဲ့” တဲ့။

နေသစ် ( ကဗျာ )

ပြက္ခဒိန်တွေကိုပဲ ငေးငေးနေတတ်တာ
ပြစ်တင်မစောလိုက်ပါနဲ့ ညီမလေးရေ…။

အမှောင်ထုကို ဖြတ်သန်းဘူးမှ
အလင်းရဲ့တန်ဘိုးကိုသိရမယ်။
ပဋိပက္ခတွေကို ရင်ဆိုင်ဘူးမှ
ငြိမ်းချမ်းခြင်းကို ခံစားနိုင်မယ်။
အနှောင်အဖွဲ့ကြားမှာ ရှင်သန်ဘူးမှ
လွတ်လပ်ခြင်းကို နားလည်နိုင်လ်ိမ့်မယ် မဟုတ်လား။

အခုတော့…
သံတိုင်တွေကြားကပဲ
ပြက္ခဒိန်တွေကိုငေးမော
အနာဂတ်အတွက်တွေးတောလို့
ရင်မောစွာငံ့လင့်နေတတ်ပြီလေ။

Lay Phyu - A Phay

Free _ Layphyu

Lan _ Lay Phyu

Lay Phyr _ LMN _ Mar Yar

Zaw paing - Min A Twet So Yin

Big Bag ... ta de ya yet lar

Big Bag....... Nar lel par

R Zar Ni -Thida Thida Thida

J-Me

10 seconds myanmar songs

အရက်သောက်ရင် ယူအန်လျှောက်မယ် (ဟာသ)

အရက်သောက်ရင် ယူအန်လျှောက်မယ် (ဟာသ)

ရှစ်လေးလုံးအရေးတော်ပုံကြီးနောက်ပိုင်း ကျနော်တို့ ကျောင်းသားလူငယ်တွေ တောထဲတောင်ထဲကို ရောက် လာခဲ့ကြပြီး အဲဒီကမှ အကြောင်းအမျိုးမျိုးနဲ့ အကြောင်းကြောင်းကြောင့် တတိယနိုင်ငံတွေမှာသွားပြီး အခြေချ ဖို့ ဖြစ်လာကြတယ်မဟုတ်လား။

အစပိုင်းတုန်းက ယူအန်ဒုက္ခသည်အဖြစ် လျှောက်တယ်ဆိုတာ ဗန်ကောက်မှာပဲရှိတာ အဲဒီတော့ ဒုက္ခသည် လျှောက်ချင်ရင် ဗန်ကောက်တက်ကြရတယ်။ ယူအန်ရုံးက လက်ခံတယ်ဆိုရင် ဘတ်ငွေ ၃၀၀၀ ရမယ်။ နေစ ရာကတော့ ကိုယ့်ဟာကိုယ် ငှားနေပေါ့။ ဒီလိုနည်းနဲ့ ဗန်ကောက်ထဲမှာ ဗမာပြည်က ကျောင်းသားလူငယ် တွေ ပျံ့နှံ့နေကြတယ်။ နောက်ပိုင်း ထိုင်းအစိုးရနဲ့ ယူအန်က ဗန်ကောက်ထဲမှာ ဗမာပြည်သားတွေအတွက် မနီလွိုင်း ဒုက္ခသည်စခန်းဆိုတာ ဖွင့်လိုက်တယ်။ ဗန်ကောက်မှာ ဒုက္ခသည်အဖြစ် တင်ထားသူ လျှောက်ထားသူးမှန်သမျှ ဒီစခန်းကို ၀င်ကြရတယ်။ ဒီစခန်းက နေစရာ စားစရာပေးမယ် အသုံးစားရိတ်အဖြစ် ငွေနည်းနည်းပေးတယ်။ ဒီစခန်းကိုဝင်တဲ့ ဒုက္ခသည်ကိုပဲ တတိယနိုင်ငံထွက်ဖို့ စဉ်းစားပေးမယ် ဖြစ်လာတယ်။ အဲဒီတော့ ထိုင်းနိုင်ငံကို နည်းပေါင်းစုံနဲ့ ရောက်နေတဲ့သူတွေရော ကျနော်တို့ ကျောင်းသားလူငယ်တွေပါ ယူအန်ဒုက္ခသည်အဖြစ် ခံယူ ချင်ရင် မနီလွိုင်းစခန်းကို ၀င်ကြရတယ်။ နယ်စပ်ကလျှောက်ချင်တဲ့ သူတွေကလည်း နယ်စပ်နဲ့နီးတဲ့ မြို့တွေ ကနေတဆင့် ဗန်ကောက်ကို တက်ကြတယ်။

အဲဒီအချိန် လူတွေက တက်ကြွတဲ့ အရွယ်တွေလေ လုပ်မယ်ဆိုလည်း ဇွတ်ပဲ၊ မလုပ်ဘူးဆိုလည်း အရှင်း၊ ဒိုးမယ်ဆိုလည်း မြန်တယ်။ တခုခုလုပ်တော့မယ် ဆုံးဖြတ်တော့မယ်ဆိုရင် လှည့်ကြည့်စရာ အတွယ်အတာတွေ ချိုင့်တွေ အဆင့်တွေ မရှိသေးဘူး။ ခုတော့ အချိန်တွေ ကြာလာတာနဲ့အမျှ အိမ်ထောင်တွေကျ သားသမီးတွေရ အရင်လို ဒုန်းဒုန်းဒိုင်းဒိုင်း လုပ်မရတော့ဘူးလေ တခုခုလုပ်တော့မယ်ဆို အတွေးစ အမျှင်တန်းတွေ တသီတ တန်းနဲ့ပေါ့။

၂၀၀၃/၂၀၀၄ ကာလမှာ ယူအန်ဒုက္ခသည်ရုံးတွေဟာ ထိုင်းနယ်စပ်မြို့တွေအထိ ရောက်လာကြတယ်။ နယ် စပ်က လူတွေရော ဒုက္ခသည်စခန်းမှာ နေထိုင်နေတဲ့ လူတွေပါ ဒုက္ခသည်အဖြစ်နဲ့ တတိယနိုင်ငံကို သွားချင် တယ်ဆိုရင် ယူအန်ရုံးရှိတဲ့ နယ်စပ်မြို့တွေမှာ သွားရောက်နေထိုင်ပြီး ဆက်သွယ်ကြတယ်။ တတိယနိုင်ငံ ထွက်ခွင့်ရရင်လည်း သွားကြပေါ့။ အရင်လို ဗန်ကောက်ရောက်အောင် သွားစရာမလိုတော့ဘဲ နယ်စပ်မြို့ တွေမှာတင် ကိစ္စပြီးတဲ့အတွက် အလွန်အဆင်ပြေတယ်လေ။ ဒုက္ခသည်အဖြစ် လျှောက်တဲ့လူတွေထဲမှာ နယ် စပ်ဒုက္ခသည်တွေ တောထဲက ရဲဘော်တွေချည်း မဟုတ်ဘူး။ နယ်စပ်မြို့တွေမှာ နေထိုင်နေကြတဲ့ လူတွေ ပါ လျှောက်ကြတာ။ တောထဲက ရဲဘော်တွေ နယ်စပ်ဒုက္ခသည်စခန်း လူတွေကတော့ ရှင်းတယ်။ ယူအန် လျှောက်တဲ့ ရည်ရွယ်ချက်ကိုက တတိယနိုင်ငံသွားမှာ ဖြစ်တယ်။ မြို့ပေါ်က ဒုက္ခသည်အဖြစ်လျှောက်တဲ့ လူတွေထဲမှာတော့ တတိယနိုင်ငံကို သွားချင်ကြတာလည်းပါတယ်။ ထိုင်းရဲအဖမ်းမခံရအောင် လျှောက်ထား ချင်တာလည်းပါတယ်။ ထိုင်းရဲက စစ်လားဆေးလားနဲ့ ရစ်လာရင် ယူအန်ဒုက္ခသည်လက်မှတ် ပြလိုက်တာနဲ့ နည်းနည်းတော့ သက်သာတယ်။

အရင်တုန်းက လူတွေက တကိုယ်တည်းသမားတွေ မဟုတ်လား။ လုပ်စရာရှိရင် ပြတ်ပြတ်ပဲ။ ခုတော့ အိမ် ထောင်တွေနဲ့။ ယူအန်လျှောက်ထားတော့လည်း ကိုယ်တယောက်တည်း မဟုတ်တော့ဘူး။ အတွယ်အတာ တွေနဲ့လေ။ တတိယနိုင်ငံကို ကိုယ်က မသွားချင်တောင်မှ ကိုယ့်ရဲ့မိန်းမက သွားချင်းရင် သဘောထားခွဲပြီး သွားပေးလို့ရတယ်။ ကိုယ့်သားသမီးကလည်း အသက် ၁၈ နှစ်ပြည့်ရင် ခွဲပြီး သွားချင်သွားလို့ ရနေတယ်။ ကိုယ်မလိုက်လည်း မိန်းမက “ဘိုင့်ဘိုင်” လုပ်ပြီး လစ်သွားလည်း ဖြစ်နေတဲ့ အခြေအနေ။

၂၀၀၅ ခုနှစ်နောက်ပိုင်းမှာတော့ တရားဝင်ဒုက္ခသည်ဖြစ်ရေးနဲ့ တတိယနိုင်ငံသွားအခြေချရေးတွေဟာ နယ် စပ်ဒုက္ခသည်စခန်း တွေထဲအထိ ရောက်လာတယ်။ အဲဒီအချိန်မှာတော့ ယူအန်ဒုက္ခသည် ဖြစ်ချင်သည်ဖြစ်စေ မဖြစ်ချင်သည်ဖြစ်စေ ဒီစခန်းတွေမှာ နေမယ်ဆိုရင် တရားဝင်ဒုက္ခအဖြစ် အသိမှတ်ပြုခံထားရသူမှ နေထိုင် ခွင့်ရှိတယ်။ တတိယနိုင်ငံသွားပြီး အခြေချဖို့ သဘောထားပေးပိုင်ခွင့်ရှိတယ်။ ဒီလိုနဲ့ပဲ စခန်းတွင်းမှာ နေထိုင် နေကြတဲ့ လူတွေအားလုံး တရားဝင်ဒုက္ခတွေလည်းဖြစ် တတိယနိုင်ငံကို သွားခွင့်ရှိသူတွေလည်း ဖြစ်ကုန်ရော ဆိုပါတော့။ ခုကာလက တတိယနိုင်ငံကိုသွားပြီး အခြေချဖို့ အခွင့်အရေးတွေ ရကြတော့၊ တအိမ်ထောင် တည်းမှာပဲ တယောက်က သွားမယ် တယောက်က မသွားဘူး။ လင်မယားနှစ်ယောက်စလုံးက သွားချင်တာ တောင် ယောက္ခမလုပ်သူက ငါသေမှပဲသွားလို့ ဆိုတာမျိုးတွေလည်း ရှိသေးတယ်။

အရင်က ကျနော်တို့ အိမ်ထောင်ရေးတွေမှာ ယောက်ျားနဲ့ မိန်းမ စကားများတာပဲဖြစ်ဖြစ်၊ ရန်ဖြစ်တာပဲ ဖြစ်ဖြစ်၊ ရက်အတော်ကြာ တယောက်နဲ့တယောက် စိတ်ဆိုးစိတ်ကောက်ပြီး စကားမပြောဘဲ နေကြရုံပဲ။ ယောက်ျားကို စိတ်တိုင်းမကျတာ စိတ်တိုစရာတွေတွေ့ရင် ဆောင့်အောင့်ပြီး အိုးခွက်တွေကို ဂလုံးဂလွမ်လုပ်ပြီး အသံပေး လိုက်တယ် အဲဒီလောက်ပဲ။ နေညိုရင်ဖြင့် လေပြိုတတ်တဲ့ အပေါင်းအသင်းရောင်းရင်း ယမကာဆွေသဟာ တိုင်း “ညမူကလိုး” နဲ့ အဖေါ်လုပ်ရမြဲလေ။ ကျနော်တို့နေတဲ့ စခန်းထဲမှာက “ညမူကလိုး” ဆိုတဲ့ တောအ ရက်ကလည်း ဈေးပေါတော့ ကျနော်တို့အဖွဲ့တွေနဲ့ အကိုက်ဖြစ်နေတာပေါ့။ ညနေစောင်းပြီဆိုရင်ပဲ ပလပ်စ တစ်အိတ်ထဲက အရက်ကို အချိုရည်ဗူးခွံကြီးထဲကိုထည့် အချိုရည် သုံးဘတ်တန် တဗူးနဲ့ရော လူလေးငါး ယောက် ၀ိုင်းထိုင်ပြီး ခွက်သေးတလုံးနဲ့ ပတ်ကြတယ်။ “ညမူကလိုး” အရှိန်ရလာတော့ တွေ့ကရာရှစ်သောင်း ပြောရင်းနဲ့ ကမ္ဘာ့အရေး မြန်မာ့အရေး ဒုက္ခသည်အရေး၊ အရေးတကာ့အရေးတွေကို “ညမူကလိုး” နဲ့ မြည်းကြ အရက်ကုန်တော့ ကိုယ့်အိမ်ကိုယ်ပြန်ကြပေါ့။

အိမ်ရောက်တော့ မိန်းမမျက်နှာမကောင်းတော့ဘူး။ ဘယ်ကောင်းမလဲ မကြိုက်တာ လုပ်လာတာကိုး။ အရင်က ဒီလိုအခြေအနေ ဖြစ်လာရင် စိတ်ကောက်ပြီး နှစ်ရက်လောက် စကားမပြောဘဲ နေရောမဟုတ်လား။ ဒီညတော့ မိန်းမပြောလာတာက …

“တော် ... ဒီအရည်တွေ သောက်နေအုံးမယ်ဆိုရင် ကျမ ယူအန်တင်ပြီး နိုင်ငံခြားသွားမယ်”

ဟု ပြောလာပါတော့တယ်။ ယူအန်တင်မယ် အသံကြားလိုက်တာနဲ့ ဆံပင်တွေ ဘာတွေထောင် အမူးတွေဘာ တွေ ပျောက်ပေါ့။ ဒီကိစ္စက အလွန်အရေးကြီးတယ်လေ မြန်မြန်ရှင်းရမယ်။

“မိန်းမနဲ့ကွာ မသောက်နဲ့တော့ဆိုလည်း ရပါတယ်ကွ မင်းတင်မယ့် ယူအန်ကြီးတော့ မလုပ်လိုက်ပါနဲ့ကွာ”

ဟု မိန်းမကို သွက်သွက်ကလေး ချော့လိုက်ရတယ်။ မသောက်တော့ဘူးလို့ ကတိပေလိုက်ရတော့ ညမူကလိုးနဲ့ ဝေးရမယ့်အရေး စိတ်လေးနေမိတယ်။ တော်တော်နဲ့လည်း အိပ်မပျော်နိုင်ဘဲ တောင်တွေးမြောက်တွေး စဉ်းစား စရာ အမျှင်တန်းတွေ ခေါင်းထဲရောက်လာတယ်။

ကျနော်တို့တွေ နအဖရဲ့တိုင်းပြည်အပေါ် လူထုအပေါ်ကို စနစ်တကျ ယုတ်မာခဲ့ပုံတွေကို အသံနဲ့တမျိုး ဓာတ် ပုံနဲ့တသွယ် သတင်းနဲ့တဖုံ ဗွီဒီယိုနဲ့တနည်း နောက်ဆုံး ခံစားခဲ့ရသူကိုယ်တိုင် တွေ့ဆုံမေးမြန်းနည်းနဲ့ တချိမ့် ဒီလိုနည်းပေါင်းစုံနဲ့ တကမ္ဘာလုံးကိုရော ယူအန်ကိုပါသိအောင်၊ ယူအန်အနေနဲ့ နအဖကို အရေးယူ ဖိအား တွေပေးလို့ရအောင် နည်းအမျိုးမျိုးနဲ့ တင်ပြခဲ့ကြတယ် မဟုတ်လား။

နအဖ က ယူအန်ကို အရေးမစိုက်တဲ့အပြင် ရှစ်လေးလုံးအရေးတော်ပုံကြီးကို ပစ်ခတ်နှိမ်နင်းပြီးတဲ့နောက် ၁၉၉၆ ကျောင်းသားလှုပ်ရှားမှု၊ ဒီပဲရင်အရေးအခင်း၊ ရွှေဝါရောင်တော်လှန်ရေး စတဲ့ ရဟန်ရှင်၊ လူ၊ ကျောင်း သားပြည်သူ လှုပ်ရှားမှုများကို နှိမ်နင်းရင်း ထပ်ခါထပ်ခါ ညှဉ်းပမ်းသတ်ဖြတ် ဖမ်းဆီးမှုတွေကို ဆက်လက် လုပ်ပြနေဆဲမဟုတ်လား။ နအဖ ကတော့ ယူအန်ကို မကြောက်ရေးချ မကြောက်။ ခုတော့ နအဖ က ယူအန်ကို မကြောက်ရဘဲ ယူအန်ကို နအဖက အရေးစိုက်လာအောင် လုပ်ခဲ့တဲ့ ကြိုးစားခဲ့ကြတဲ့ ကျနော်တို့သာ ယူအန်နဲ့ အနီးကပ် ခြိမ်းခြောက်တာကို ခံနေရပါရောလား။

နဖူးပေါ်လက်တင် စဉ်းစားလိုက်တာ မိုးလင်းတာတောင် သတိမထားမိလိုက်ဘူ။

“တုံ” “တုံ” “တုံ” “တုံ” “တုံ” “တုံ”

ရပ်ကွက် ဂိုဒေါင်ဘက်က တုံးခေါက်သံ ကြားရတယ်။

“ယောင်္ကျားရေ … ဒီနေ့ဆန်ထုတ်မယ် ထင်တယ်တော့ ဂိုဒေါင်မှာ တုံးခေါက်နေပြီ”

PRESIDENTS: TODAY AND TOMORROW

PRESIDENTS: TODAY AND TOMORROW